रे बारे में

अपोरो स़पनो

• आ है के मारवाड़ रा लोग आपरे मारवाड़ री खासियत ने जोणे है अर म्होनें अर म्हारी संस्कृति ने एक स़ाथे बणायोड़ी राखे है।
• आ है के मारवाड़ी लोग गर्व रे स़ा़थे मारवाड़ी ने घणे रुपऊं काम में लेवे है।
• आ है के ओपे अपोणी मारवाड़ी ने अपोरी खास पैचोण अर संचार रे साधन रे रुप में पैचोणन री दिसा में ईमोनदारीऊं काम करो हो।
• आ है के म्हें म्होरे टाबरों वास्ते म्होरे मारवाड़ री समृध्द परंपरा अर विरासत ने उत्साह रे स़ाथे पार करो हो, जद म्हें इने प्राप्त करो हो तो इने और स़ली समृध्द बणावो हो।

अपोरो लकसे

इण वेबसाइट रो उदेस्य है।

• जटे ई अर जदे ई संभव होवे मारवाड़ी रो उपयोग स़लोऊं स़लो करो।
• मारवाड़ी में घणा स़ारा साहित्य विकसित करणा अर खुले रुपऊं हासल कराणा।
• समुदाय रे मोई अर बारे मारवाड़ी अर उने बोलण आळो रे वास्ते स्वीकृति ने विकसित करणी।
• मारवाड़ी में गीत, कविता, सुणन आळा अर दिखण आळा (आँडियो अर विडियो) रिकोर्डिंग सहित स़लो साहित्य विकसित करणे वास्ते समुदाय ने ललाईत करो।
• इलेक्ट्रोनिक मीडिया (कंपूटर, मोबेल फोन आदि) में मारवाड़ी रे उपयोग ने बढावो देणो।

मेहत्व

आ वेबसाइट आपरे उच्चतम स्तरों माथे इण लिखित मूल्यों ने राखणो चावे है:

• समुदाय री एकता प्राथमिक मूल्यों मेऊं एक है। जिकेऊं इण वेबसाइट रे उपयोगकर्ता ने मेसुस करणो जोईजे। लेख, दिस्टीकोण, पूर्वाग्रह अर संचार जिका न्यारा-न्यारा करे है, मनोरंजनात्मक इण वेबसाइट माथे अपलोड नी करिया जावेला। राजनितिक अर धार्मिक पूर्वाग्रह आळा लेख ने पूरी तरेऊं टाळिया जावेला।
• आ वेबसाइट हरेक उपयोगकर्ता वास्ते न्याय, निसपगस, एकस़िरको रेवण रो प्रयास करे है।
• आ वेबसाइट स़ाच रे वास्ते उबो होवण रो प्रयास करे है, जितो के वेबसाइट माथे अपलोड सामग्री सिर्फ उठे इज बोलण वास्ते है जिको वासतव है अर सबुत है।