(लेख अपलोड करणे वास्ते दिसानिर्देस)
[अ] लेख रा प्रकार
इण वेबसाइट वास्ते आपरे लेख तियार करणे अर उणमें योगदान देणे वास्ते केई दिसानिर्देस दियोड़ा है।
- सांस्कृतिक रूपऊं उपयुक्त: इण वेबसाइट माथे स़ैंग लेख मारवाड़ी समुदाय अर म्होरी संस्कृति अर मारवाड़ी रे बारे में होणा जोईजे है। ऐड़ा लेख जिका सांस्कृतिक या समाजिक रूपऊं मारवाड़ी समुदाय वास्ते सही नी है उवोरो स्वागत नी है अर उवोने वेबसाइट माथे अपलोड नी करिया जावेला।
- विभाजनकारी लेख: हरेक समाज में केई दस्टीकोण होवे है अर अक्सर विभाजन बणावण वास्ते नेतृत्व करे है अर लोगों ने एक स़ाथे अर एकजुट नी करे है। इण वेबसाइट रो उदेस्य पूरे मारवाड़ी समुदाय ने एक स़ाथे लावण रो है। उदारण वास्ते राजनीति अर धर्म लोगों ने विभाजित नी कर सके है। इण वास्ते आ तै करो:
- इण वेबसाइट माथे अपलोड सब सामग्री गैर राजनीतिक होणी जोईजे। उण सब लेखोंऊं बचो जिका एक राजनीतिक दस्टीकोण या दूजो लेवे है।
- इण वेबसाइट माथे अपलोड सैंग लेख गैर-धार्मिक होणा जोईजे। उण सब लेखोंऊं बचो जिका किणी धर्म या किणी खास भगवान री प्रसंसा करे है।
- निरमान सोसाइटी रा स़पनो, मिसन अर मुख्य मूल्यों रे स़ाथे मिलान:
मारवाड़ी में वेबसाइट विकास निर्माण सोसाइटी री एक पैल है जिकी मारवाड़ी समुदाय अर उन्नी संस्कृति रे विकास वास्ते काम करे है। आ मेतवपूर्ण है के आ वेबसाइट निर्माण सोसाइटी रे मूल्यों अर उदेस्यों रे विपरित नी है। उवोरी वेबसाइट माथे निर्माण रो स़पनो, मिसन अर मुख्य मूल्यों रो वर्णन करियोड़ो है।
- लेख रा प्रकार
- समुदाय, मारवाड़ री संस्कृति, उवों रे दवारा निवण करणाळा धर्म, लोगों रो इतिहास, छेतर रो नक्सो, सांस्कृतिक रूपऊं प्रासंगिक चितर, सबदकोस, कहानियां, कहावते, लोग गीत, मुहावरा, आडीयों, बातों, समाचार पतर, जलम, मृत्यु, ब़्याव, तिवार, सांस्कृतिक कार्यक्रम आदि रे दौरान समारोहों रो वर्णन।
- सरकारी अर गैर-सरकारी कार्यक्रमों रे बारे में जोणकारी जिका मारवाड़ी समुदाय रे वास्ते फायदेमंद है।
- निर्माण रे कार्यक्रमों री जोणकारी जियो मारवाड़ी में साक्सरता, मारवाड़ी विकास, खेती पढाई आदि।
- उण कार्यक्रमों रे बारे में जिका समुदाय वास्ते फायदेमंद है, वेबसाइट माथे जोड़ण वास्ते विचार कियो जा सके है।
- मारवाड़ी में प्रकासन जिको इलेक्ट्रोनिक रूपूं उपलब्ध है। ओनलाईन प्रकासनों ने प्रकासनाधिकार (कोपिराईट) ने स्वीकार करणो पड़ेला, जे कोई है।
- मारवाड़ी, समुदाय, संस्कृति आदि रे बारे में मारवाड़ी अर दूजी भासावों में प्रकासन री सूची।
- मारवाड़ी या किणी दूजी भासा में दूजी वेबसाइटों रे लिंक, जटे समुदाय, भासा, संस्कृति, छेतर आदि रे बारे में प्रासंगिक जाणकारी है।
[ब] अपलोड करणा
इण वेबसाइट माथे कोई ई लेख अपलोड करण वास्ते निम्नलिखित दिसा-निर्देसों रो पालण करियो जाणो जोईजे।
- इण वेबसाइट माथे कोई ई लेख अपलोड करणेऊं पेला एक उपयोगकर्ता ने वेबसाइट (एक वैध ईमेल आईडी या फोन नंबर रा उपयोग करन) माथे पंजीकरण करणो पड़ेला।
- इण वेबसाइट माथे प्रस्तुत लेख मूल होणो जोईजे (कोई काँपीराइट री अनुमति नी है)।
- वेबसाइट माथे प्रस्तुत हरेक लेख एक संपादकीय सदेस्य दवारा जांच होवेला अर उपयोगकर्ता ने जांच करणिये रे दवारा दियोड़ी प्रतिक्रिया रे अधार माथे जरूरी परिवर्तन करणे वास्ते सेहमत होणो जोईजे।
- लेख जांचणिये दवारा अनुमोदित करणे रे पछे ई ओनलाईन होवेला। जे जाचणियो प्रस्तुत ने अस्वीकार कर देवे है तो उपयोगकर्ता ने सुचित करियो जावेला, पण संपादकीय टीम रो निरणे अंतिम होवेला।
- संपादकीय टीम लेख प्रकासित होणे रे पछे ई अप्रकासित करणे रो अधिकार सुरक्सित राखे है, जे कोई आपत्ति या दावो है।
[स] प्रक्रिया
इण वेबसाइट माथे अपलोड करियोड़का स़ैंग लेख अनुमोदन री प्रक्रियाऊं निकळेला। प्रसंस्करण रे तीन स्तर करिया जावेला, जिंयो के नीचे दियोड़ा है:
- सामग्री देणणाळे रे दवारा अनुमोदन: सामग्री देवणाळो एक मारवाड़ी वक्ता होवेला जिको समुदाय रा हालचाल, संस्कृति, इतिहास आदि ने पूरी तरेह ऊं जोणे है। सामग्री देवणाळो ने लेख, उन्नो मूल्य, संस्कृति, उपयोगिता आदि हासल होवेला अर उन्नो मूल्यांकन करेला। सामग्री देवणाळो किणी ऐड़े मिनक री ई सहायता करेला, जिके ने नवा लेख विकसित करणे वास्ते सहायता री जरूत है।
- वेबसाइट कर्ताधर्ता दवारा अनुमोदन: वेबसाइट कर्ताधर्ता मारवाड़ी (स्वंयसेवक) रे कई दूजा वक्तावों रे स़ाथे सलाह-मसवरा करेला अर लेख ने अनुमोदित या अस्वीकृत करेला। इने मंजूरी मिलणे रे पछे इज अपलोड करियो जावेला। जे अस्वीकृत करियो जावे है तो इने वेबसाइट ऊं निकाळ दियो जावेला।
वेबसाइट संभालणियों दवारा अपलोड करणो: हरेक लेख रो मूल्यांकन करणे वास्ते वेबसाइट संभालणियों जिम्मेदार होवे है। जद वेबसाइट संभालणियों अनुमोदन करे है तो लेख जनता रे वास्ते प्रदर्सित करियो जावेला। सिर्फ एक स्वीकृत लेख अपलोड करियो जावेला अर दूजा लेख वेबसाइट ऊं निकाळ दिया जावेला।
हमार री टीपणी