एकर एक स़ियाळियो हो जको बो फिरतो फिरतो स़ैर में गियो परो। ऊठे उन्ने एक अकबार रो कागद लाद गियो। बो कागद लेन स़ियाळियो आपरी लुगाई खने गियो। जा’न बतायो अन केयो के अपोने ने हमे पट्टो मिळगो है। जको हमे कठेई फिर सको हो। जणो स़ियाळिये री लुगाई केयो के अपो तो हमे स़गळा स़ैर घुमने हालो। स़ियाळियो स़ैंगो ने स़ाथे लेन स़ैर गियो। अन के उठे रस्ते में कुत्ता बैठा हाँ। सियाळिये ने देख अन कुत्ता स़ियाळिये रे लारे दोड़िया। के उन्नी लुगाई केयो के नावो कियो हो इयोने बो अपोरो पट्टो बताओ कनी। स़ियाळियो पाछो फुर अन केयो के थारा बाप ए स़गळा अणपड है। ना जा नी जणो थारा बाप ए खा जाई।