1. एक घर तो डाकण ई टाळे है।
2. घर आयो देव सम्मोन होवे है।
3. गांव बसियो कोनी मंगता पैली आ जावे है।
4. गांव बसायो बाणियो पार पड़ै जद जाणियो।
5. आप भलो तो जुग भलो।
6. जटे दिखे तवां परात, उठे नाचे पूरी रात।
7. छा ने आई अर चाडे री धणियोणी बणगी ।
8. जाण नी पैचोण बणे लाडे री भुवां।
9. तीन बुलाया तेरे आया भई राम की बाणी, राधो चेतन इयू कहे दो दाळ मे पाणी।
10. मेंगो रोवे एक बार, सस्तो रोवे सौ बार।
11. लोभ रे कोई थोब नीं हुवे है।
12. रीसियोड़ी हथणी अर रूठीयोड़ी लुगाई कम ही पाछी फिरे है।
13. आगो थारो पीछो म्हारो।
14. दोई हाथ भेळा करियो धुपे है।
15. पूत रा पग पालणे में दिख जावे है।
16. बाळऊं आळ अर आपऊं मोटेऊं ब़ेर नी करणो।
17. होण्डी आडो तो ढक दो पण दुनिया रे मूण्डे आडो कांई दो।
18. इण तिलो मे तेल कोनी।
19. आबे रे कोई टेको थोड़ी लागे है।
20. ओंधो पूछे ओंधी कोई रोंदो होळी ने।
21. अणदोखी ने दोख, बीने गति ने मोख।
22. ऊंट री गाबड़ घणी लाम्बी हुवे, पण ब़ाढण स़ारु नी हुवे है।
23. अभागियो टाबर तिवार ने रूसे।
24. भोळो रो भगोन ई स़ाथ दिया करे है।
25. ऊंदरे रे जायोड़ा बिल इज खोदेला।
26. खरी कमाई घणी कमाई।
27. खाली हाथ आयो अर खाली हाथ जाई बस परेम रा बोल स़ाथे जावेला।
28. बिना रोयो तो मां ई बोबो नी देवे है।
29. रूप री रोवे करम री धाप खावे।
30. आबो रातो मेंह मातो।
31. आंधी लारे मेंह आवे, बेटों लारे बहु आवे।
32. बरसे भरणी छोडे परणी।
33. रोहणी गाजे किरतरा बरसे, टुक-टुकड़ा ने दुनियां तरसे।
34. जावण लगाया दुद जमे।
35. आपरी छोड पराई तके आवे ओसर के धके।
36. आप गरूजी कातरा मारे चेलों ने परमोद बतावे।
37. आ रे म्हारा संपटपाट !म्हें थने चाटू थु म्हने चाट।
38. कमाऊं पूत सबोने प्यारा लागे है।
39. एड़ी परथावां रा एड़ा ही गीत।
40. उत्तर पातर में मिया तू चाकर।
41. ओसर चूक्या ने मौसर नी मिळे।
42. जेड़ा बोले डोकरा बेड़ा बोले छोकरा।
43. तीन तेरा घर बिखेरां।
44. डुमो आडी डोकरी बळदां आडी भै।
45. गुलगुला भावे पण तेल कठा सू आवे।
46. कद राजा आवे अर कद दाळ दळू।
47. काळिया भेळो धोळियो बंधे तो, रंग नी तो लखण लेवे इज।
48. गिंडक रे भरोसे गाडी नी चाले है।
49. कमावे धोती आळा, खावे टोपी आळा।
50. करम में लिखिया कांकर, तो कांई करे सिव संकर।
हमार री टीपणी