26. धोळी धरती काळा बीज, बावण वाळो जावे रीझ।
जबाब- पोस्टकार्ड।
27. एक मुरगो चालतो-फिरतो थाक गियो। धणी लायो गरदन कटाय पाछो चालण लाग गियो।
जबाब- पेंसल।
28. गरण गरण नभ चाकी फिरे, तीन पगा री माछली तिरे।
जबाब- उडणगाडी।
29. थऊं पेला म्हे जलमियो, पछे मोटो भाई, धूम धड़ाके बाबो जलमियो पछै जलमी बाई।
जबाब- दुद दही घी छाछ।
30. मायड़ बेटी दो जणी, ज्या बीच एक भरतार।
जबाब- काजळ रो कूंपळो।
31. बाप बेटी दो जणा, ज्यां बीच एक अकल नार।
जबाब- काँच।
32. मूंगीऊं सूंगी करी, दिया घसड़का च्यार। आपरो काम काडर मूंगी दीनी मार।
जबाब- ओखळी।
33. छोटी सी लकड़ी तामक तैया मीठी लागे रे भाया।
जबाब- खारक।
34. देखी एक अनोखी नारी, गुण उणमें एक सब सु भारी। पढी नी आ अचरज आवे जिणा-मरणा तुरंत बतावे।
जबाब- हाथ री नाड़।
35. गळा में गांठ गुदी में गूमड़ो। ई आडी रो अरथ बतावो नी जावो खावो तुम्बड़ो।
जबाब- मकोड़ो।
36. छोटी सी टिकड़ी पीळे रंग पाई। ई आडी रो अरथ बतावो नी जावो खोदो खाई।
जबाब- नथ।
37. हिनिये ने धोरे लावणो।
जबाब- तीर मारु तुक मारु, चडू लीलके घोड़े, ऊंची सी फदाक मारु, हिनियो लाऊ धोरे।
38. चींपड़ी रो ब्याव कराणो।
जबाब- आळिये में आळियो, आळिये में गोह चींपड़ी रो ब्याव मंडियों गीत गावे गोह।
39. मोरिये ने हंसावणो।
जबाब- धोरियो धसग्यो, मोरियो हंसग्यो।
40. कोठी ने पगा चलाणो।
जबाब- काळी कोंमळ झगा-मगा, चाल म्हारी कोठी पगा-पगा।
41. रामजी ने कलेवा कराणो।
जबाब- चन्नण चौकी मिसरी मेवा, उठो राम जी करो कलेवा।
42. गोळ-गट, मोईनु चिकणो चट अर माथे उपर जट।
जबाब- चोटी आळो नारेळ
43. बिन रूत डेडर बोलियो जळहर कीवी पुकार। जळ बिचमें देव बळे स़ुरता करो बिचार।
जबाब- होको
44. आया म्हारा पावणा ज्यारो अंत न पार, प्याळो पाणी आग रो सारा धापिया जाय।
जबाब- होको
45. गी ही बजार लावण जव-चिणा, स़ामे मिळगी भै अर चूंगे नव जणा।
जबाब- चिलम
46. स़ूखी नैर में मंगळिये ने तिरावो
जबाब- पिण्डी फाटी लोही झरे, स़ूखी नैर में मंगळियो तिरे
47. मिन्नी ने मुठियो पेरावो।
जबाब- चूल्हे लारे चूटियो मिन्नी पेरे मुठियो।
48. तारों ने राबडी पावो
जबाब- छाजे ऊपर छाबड़ी तारा पिये राबडी।
49. स़ोने री कीकर काट दो।
जबाब- कसियो, कवाड़ियो अर चिपटी, स़ोने री कीकर म्हें काटी।
50. स़ऊं रि तो स़ऊं, स़ोरे री मा, स़गे धणी री दादी, एई म्हारा नाता।
जबाब- दादी स़ऊ
हमार री टीपणी