मारवाड़ी भासा मंअ आडियों

1. स़ाळे रो स़ाळो उन्नो डावो कोन काळो। उन्ने भाणजे री भुआ थारे कांई लागे।
जबाब- घरवाळी (लुगाई)

2. भूरकी भै टीबे माथे ब्याई स़ौ सिंगोंरी पाडी लाई। जलम तांई मारण ने आई।
जबाब- भुटियो घा (भरूट)

3. सावण में सुसाट करे पगां चलावे कार। इण आडी रो अर्थ बतावे जके ने रिपिया दू हजार।
जबाब- गुगलियो (भूडियो)

4. एक स़िंग री गा ऊरे जितोई खाय।
जबाब- घटी

5. हरि घणी लाम्बी घणी सूवे (मिटु) जेड़ो रंग। इग्यारे देवर छोड़ने चाली जेट रे संग।
जबाब- सांगरी

6. काची नार कच-कची, भर जोबनिये खारी, म्हें थने पूछूं बालमा, बुढी किऊ होवे प्यारी।
जबाब- काकड़ीयो

7. रूंगो चाले रग-मग तीन माथा दस पग।
जबाब- हळ

8. हरी टोपी लाल दुसाला पेट म्हें मोतियों री माळा।
जबाब- राती मिरच

9. आंको-बाको आंटियो, आंको म्हारो नाव, इण आडी रो अरत बता दो, नीं तो छोडो गांव।
जबाब- बोळ्डी रो ओटियो कांटो।

10. बीनो फूंक बजावे बाजा, बीना राज रे बाजे राजा। केंवो भायलो कुण हैं राजा।
जबाब- राजा इन्द्र

11. डोलर पांन डगमग डांडी, बिना कुम्हार घड़ीजे हांडी, बिना जमावणी जमाईजे दही, मरद रे पेट लुगाई रही।
जबाब- मतीरो

12. कदे नी म्हे खाऊं-पीऊं, कदे नी म्हे चरुं, सदा रावळे घरा रूखाळो, चौकीदारी करूं।
जबाब- ताळो

13. बिना पोखिंयो ऊंची उडे, बांध गळे में सूत।
जबाब- पतंग

14. ओंटी टोटी खेल्डी नळी-नळी में रस, ई आडी रो अरथ बतावे जके ने रिपिया दू दस।
जबाब- जळेबी

15. छोटो सो दुरगादास कपड़ा पेरे पचास
जबाब- कान्दो

16. नवे जुग री बच्ची एक कोन री कच्ची, थे केवो इण पार पैला आई उण पार।
जबाब - टेलिफोन

17. नव जाया नव पेट में, नव नानाणे जाय। मतो करू तो नव भळे जणू काळा में कांई खाय।
जबाब- काचर री ब़ेल।

18. बाबो स़ूतो साळ में पग फिळेऊं बारे। थे जाणो तो बतादो नी तो लो आगे आळे ने बूझ।
जबाब- दीयो।

19. बाप भलो बेटो भलो पोतो बड़ो सपूत। पड़पोतो ऐड़ो जल्मियो स़ोळे मुठी स़ूत।
जबाब- दुध, दही, घी अर छा।

20. माथे केसर मुरगा नी, लीलकंठ मोर नी। लोंबी पूंछ लिंगूर नी, च्यार पग पण पसु नी।
जबाब- कील्डो।

21. ठंडी-ठंडी घणी निराळी, म्हारो रुप बिणे है पोणी। लखकर गरमी री हेरानी, हो जाऊं म्हें पाणी-पाणी।
जबाब – बरफ।

22. बिना पंख कुण उड जावे, काळो चढ बादळ दिखावे।
जबाब- धूंवो।

23. छोटी सी मिमली , राजा भेळी जिमली ।
जबाब- माखी।

24. चार नार चिट्टू-पिट्टू एक नार जंगी। ई आडी रो अरथ बतावो नी जावो बजावो घंटी।
जबाब- हाथ रो पंजो।

25. एक सखी हम आवत देखा सियाम घटा बदळी में रेखा। हाथ सिरोही मंगळ गावे, ब्याई है वर ढूढत आवे।
जबाब- रेलगाड़ी ।

पंचाग