151. जेज मती करो जितो थे स़ोचो उण घणी तेज जिन्दगी जावे है।

152. एकांत में जी तोड़ मेनत करो, सफलता सोर मचावणो स़रु कर देई है।

153. आप सफलताऊं कई जादा असफलताऊं स़ीखो हो, असफलताऊं थोरो चरितर बणे है।

154. जिके मिनक ने खुद माथे भरोसो होवे बोई मिनक दूजो रो भरोसो बण सके है।

155. जे अपे कोई चीज री कलपना कर सको हो तो बा साकार भी कर सको हो।

156. लगातार आगे बढण वास्ते जरुरी है के निरन्तर अपे आपरा लकस्य बढाता रेवो।

157. जिका सरफिरा होवे है बे इतिहास लिखे है, समझदार तो खाली उओने पढता रेवे है।

158. संघर्स जितो मुसकल होवे जीत उती ही सानदार होवे है।

159. हरेक असफलता रे लारे एक सफलता आपरी बाट देखे है।

160. रोजिना रा छोटा-छोटा बदळाव,आस्चर्यजनक परिणाम तांई ले जावे है।

161. पेचाणऊं मिळियोड़ो काम थोड़ा दिन रेवे है, कामऊं मिळियोड़ी पेचाण उमरभर रेवे है।

162. स़पना बे नी है जिका नीन्द में देखो हो, स़पना बे है जिका नीन्द नी आवण देवे है।

163. सफलता जद तांई नी मिळ सके है, जद तांई सफलता पावण री इछा मजबूत नी होवे है।

164. बे मिनक भाग्यसाली है जिका समझ गिया है के मिनकोऊं परेम राखणो अर वस्तुओं रो उपयोग।

165. खुसी अर परेम लगन रा सयोगी है, कोई काम करो तो लगन रे स़ाथे करो नी तो छोड दो।

166. जद परिस्थियों बदळ जावे तो रणनीति बदलण में कोई बुराई नी है।

167. आपऊं होवे, बो बढिया करो, आज रा मजा लो, जिको है उण में राजी-खुसीऊं रेवो।

168. काम करणे में कोई अपमोन नी है, खाली बेठणे में अपमोन है।

169. हार-जीत आपरी स़ोच माथे है, मान ली तो हार अर ठान ली तो जीत।

170. जद अपे बो करलो, जिको नी कर सको, जणे आपमें निडरता रो जलम होवे है।

171. इमोनदारी वास्ते कोई छाप, पेरेस या स़िणगार री जरुत नी है सादगी अपणाओं

172. असली बहादूर तो बो है जिको सही काम करे, लोगो में भलेई उण काम री जांण नी है।

173. जद थे कोई वादो करो तो आसा जगावो हो, जद पूरो करो जणे भरोसो बणावो हो।

174. मोनको ही एक एड़ो जीव है, जिके में हसणे रा गुण है।

175. टेम री एक आदत स़करी है के जेड़ो ई होवे निकळ जावे है।

176. टेम मती लगावो के थोने कांई करणो है, नी तो टेम तै कर लेई है के थोने कांई करणो है।

177. सिर्फ स़पनोऊं की नी होवे है, सफलता मेनतऊं हासल होवे है।

178. स़करा दिनो वास्ते बुरा दिनोऊं लड़णो पड़े है।

179. उण ग्योन रो कोई मतलब नी है, जिके ने थे काम में नी लेवो हो।

180. जिको मिनक रोजिना आपरो दुखड़ो रोवे है, उनी थळगट माथे उबो स़ुख बारुऊं पाछो जावे परो है।

181. जीवण में सफलता रो रेहस्य, खुद ने आवणाळे टेम वास्ते तियार करणो।

182. उदास होवण वास्ते उमर पड़ी है, खुस रेवण वास्ते जिन्दगी उबी है।

183. जीतण रो आणद जद आवे, जणे सगळा आपरे हारण री बाट देखे।

184. दूजो री मदत करते टेम मन में खुसी होवे जणे तो सेवा है नी बाकी सब दिखावो है।

185. लोग थोरा विचारो ने गळत बतावे, उण टेम थोरी जिमेवारी है के बे सही करन बतावो।

186. जे जिन्दगी में खुसी चावो तो लोगो री बातों दिल माथे लेवणी छोड दो।

187. जिन्दगी आसान नी है, उने आसान बणावणी पड़े है की अंदाजऊं अर की नजरअंदाजऊं।

188. जिका खुद खुस रेवे, पुरी दुनिया उवोऊं खुस रेवे है।

189. जिन्दगी आगे बढणे रो नाम है, रुकणे रो नी।

190. जटे दूजो ने समझणा मुसकल हो जावे उटे खुद ने समझा लेणो घणो बढिया है।

191. बिदोम खावणेऊं जिती अक्ल नी आवे उणु सली ठोकर खावणेऊं आवे है।

192. सकरा लोगो री आ खासियत है के उवोने की इयाद राखण री जरुत नी है, बे खुद इयाद रे जावे है।

193. सकरी किताबो अर सकरा मिनक स़टके समाज में नी आवे है, उवोने पढणा पड़े है।

194. जिन्दगी बदलणे वास्ते लड़णो पड़े है अर सरल बणावण वास्ते समझणी पड़े है।

195. जिन्दगी बा नी है जिकी आपने मिळे है, जिन्दगी बा है जिकी आप बणावो हो।

196. जिको आपरे स़ाथे दिलऊं बात करे, उण ने कदेई दिमाकऊं जबाब नी देणो।

197. दूजो ने जाणणो ग्यान है, आपो-आप ने जाणणो आत्मग्योन है।

198. स़ाख बणावण में जिन्दगी लाग जावे है, मिटावण में दस मिनट लागे है।

199. सफलता, असफलता तो सिर्फ दो सबद है, असली आणद तो काम में है।

200. एक झूठे मिनक ने हमेसा स़करी यादास्त री जरुत रेवे है।