स़ावचेत; दौडते या जोगिंग रे टेम मास्क पेरणो गळत है
सरीर में ओक्सीजन लेवल कम होवणेऊं स़ैंग अंगो माथे असर
ओक्सीजन री मातरा घटणे अर कार्बन री मातरा घटणेऊं मुख्य अंगों माथे ओ असर पड़े है
कार्बन डाईआंक्साइड टोंक्सिलिटी रे सरीर माथे पड़णाळा गंभीर असर
ओंख-कोन निजर कमजोर अर कम सुणिजणो
त्वचा माथे राता चकता, एलर्जी
नसों में कमजोर होवे
दिमाक माथे असर झुझळाहट, सुस्ती आवणी, चक्कर आणो, असमजस, माथो दूखणो, बेहोस हो जावणो
दिल माथे असर धड़कण बढणी, बीपी बढणी, पंपीग माथे असर
स्वसन तंतर कार्बन-डाईओक्साईड बढणी, फेफड़ा कमजोर होवणा
कणो अर कठे जरुरी मास्क
- थे स्वस्थ हो तो मास्क री जरूरत जणे ई है जद थे किणी करोना संक्रमित री देखभाळ कर रिया हो।
- जे थोने स़ी-ठण्ड है। गळे में खरास है अर थकान ई लाग री है तो मास्क पैरो अर घरे इज अरोम करो। जरूत होवे जणे डाकसाब ने बतावो।
- मास्क पेरणेऊं सुरक्सित हो ऐड़ो नी है। मास्क पेरणो जदे ई कारगर होवेला जद हाथ ई साफ होवेला।
- भीड़-भाड़ाळी किणी ई जगा माथे जावती टेम मास्क जरूर पैरो।
- मास्क ने जितो ब़ेगो हो सके बदळो अर कोसिस करो के एकबार-युज मास्क ने दूजी बार लगावण ऊं बचो।
कणे जरूरी नी मास्क पैरणो
- थे बिल्कुल स़ाजा-स़ूरा हो अर घरे इज हो तो मास्क लगाणे री जरूत नी है।
- कसरत करती टेम मास्क नी पैरो। मास्कऊं सरीर ने इतो ओक्सीजन नी मिळ पावे है जितो जरूरी है। कम ओक्सीजनऊं फेफड़ो संबधी समस्या रो सामनो करणो पड़ सके है।
- मास्क रे अलावा सोसल डिस्टेसिंग व हेण्ड-सैनिटाईजेसन रो पालण ई जरूरी करियो जावे।
- जे थे कार चला रिया हो अर कार में एकला हो जणे भी मास्क लगावण री कोई जरूत नी है।
7 ऊं 10 बजे तांई दिनुगे रे टेम ई खुल्ला रेवेला पार्क। 5 ऊं 6:45 बजियां तांई दिनबध्ये रे टेम खुल्ला रेह सकेला पार्क।
मास्क लगाणो जरुरी है, पण कणो-कठे-किकर ओ मोटो सवाल है। ठा हो के दौड़ते अर टेहलते टेम लगातार मास्क रो इस्तेमाल करणेऊं ओंख, कोन रे स़ाथे चोमड़ी अर दिल माथे ई बुरो असर पड़ सके है।
पार्क खुल चुका है। मास्क लगायोड़ा सुबे-सौम कसरत करता चेहरा दिखण लागा है। घबराट में अपे की स़ली ही स़ावचेती राखण लागो हो- जियो के हरटेम मास्क लगाणो। ओ थोने ब़ैमार नोख सके है।खासतोर माथे दौड़ते या कसरत में मास्क लगाणो। ओपे कार्बन-डाई-अँक्साइड छोडो हो, मास्क रे कारण बा ही Co2 फेफड़ो में पौचे है, जिकी अँक्सीजन ने कम कर देवे है, जिकेऊं फेफड़ा व दूजा अंग खराब हो सके है।
- कोई सुझाव मेलो
