थे तो जावो परदेसा

थे जावो जोधाणे मे कांई करा,

राज री नोकरियां बन्ना कांई करा।

ओ थारे बिन बालम जी नीन्दड़ी नी आवे म्हाने धानड़ो नी भावे

थे जावो बिकाणे में रोई मरा, सरकारी नोकरियां दोरी कांई करा।

थोरे बिन बालम जी अनड़ो नी भावे, म्हाने धानड़ो नी भावे

थे तो जावो जैसोणे मे रोई मरा, राज रा नोकरियां कांई करा।

ओ चुन्दड़ी रे लाया बन्ना थोरी रे जड़ी रे बन्ना, थोरे री जड़ी

राज रा नोकरिया बन्ना कांई करा।

बाजुड़ा रे लाया बन्ना थोरी री जड़ी बन्ना, साळुड़ा रे लाया बन्ना थोरी री जड़ी2

थे जावो बम्बोई स़ैर कांई करा, राज री नोकरियां दोरी कांई करा।