हीरा पन्ना री म्हारे चुनड़ी मोलाई, अरे मायरो भरेला थारो जामण जायो भाई

संग में भोजाया ने लाई, ए तो भाई सब मायरा में आई ए तो ओसिया रे माई।

अरे बत्तीसी नीवत ने थारी जामण जाई आई, अरे घणा रे कोड सूं बत्तीसी बंधाई

अरे मायरो भरेला थारो भवर जी भाई संग में भतीजा आई

भाटी परिवार मायरा में आई, ए तो ओसिया रे माई।

गोत ने गड़ुम्बो थरे स़गळा ई आई, ओमजी प्रकास जी ने संग माई लाई

अरे मायरो भरेला थारो जामण जायो भाई, संग में भोजायो ने लाई।

थारी बेहन रे बीरा तेवटो घड़ाई, सोना वाळो डोरो थारे बेनोजी रे लाई

अरे मायरो भरेला थारो जामण जायो भाई, संग में भोजायो ने लाई।

सरिता आतो मायरा ने गाई, आ तो पाली वाळे स़ैर सू आई

सोना रा स़ेवरिया थारा भाणजा ने देई, कड़िया रो कणदोरो देवे सगोड़ी भोजाई

अरे मायरो भरेला थारो जामण जायो भाई, संग में भोजायो ने लाई।