धिन घड़ी धिन भाग हमारो, सतगरुसा आविया रे धिन घड़ी धिन भाग
उची पाळ समन्द री केईये, नीचो जमुना तीर
उची चढ जोवियो रे2, चऊ दिस दिसे कबीर
सतगरुसा आविया रे धिन घड़ी धिन भाग
गुरु अवध री ऐसी लागी जेसे चन्दर चकोर
चरण कवल पर सूरत लागी जीऊं पतंग संग डोर
सिवरत आविया ओ धिन घड़ी धिन भाग
अरे कांई से निपाऊ आंगणो कांई से घालू गार
चन्दण निपाऊ आंगणो, केसर गार घलाऊ ए सखी
धिन गरु आविया धिन घड़ी धिन भाग
सतगरु आविया पोळिया में, लेऊ बधावो जाय
हरख उतारु आरती सखिया मंगळ गाय
म्हारा धिन घड़ी धिन भाग
जुग में जुग गरु है दया ऐड़ा मिळिया जगदीस
बाई जमुना री विणती म्हाने दरसण दिना कबीर
सतगरु आविया हो म्हारा धिन घड़ी धिन भाग