हे थे म्हारे आईजो पावणा बाबा, भरिये बादरवे री रात भोमिया
गाय दुवाड़ू बाबा गोरकी, गुदळी रोन्दाऊ खीर भोमिया हो राज
भेस दुवाड़ू बाबा भुरकी रे दुध खोळाऊ थोरा पांव
पापी नुगरो ने धणियो मारजो रे राज भोमिया
सरफ सोने रा पागड़ा थोरे पीतळिया पिलांण बाबा
कमर कट्टारो बांकळो रे सोजतड़ी तलवार बाबा भोमिया हो राज
थोन थपाऊ खेजड़ी ओ बाबा, धजा फरुके असमान ओ
चडे चडावे सूरमा ओ राज, लिलोड़ा ओ नारेल भोमिया ओ राज
सिवरू अरोधे बेगा आवजो, जोवो बैठा बाट जियो बाबा
पेरण ने तोम्बर धोतियो रे, बोंधण पिचरंग पाग बाबा
पेरण मुखमल मोजड़ी, हलकवर जी री छाल भोमिया ओ राज
भोपा आवे धुणता रे बाबा भरवे भादरवे री रात ओ
हिरो रे जड़ियो रे जड़ियो ताज, मोतियो रे जड़ी ओ लगाम
हिमतो रे रिखियो विणती करे थोने सिवरु बेगो आवजो रे बाबा
सिवरू अरोधे बेगा आवजो, थोरा सेवक जोवे बाट बाबा भोमिया ओ राज