पेला चाँदी आळा रिपिया चलता था
हमे चले कागद आळा नोट जमाना बदळ गिया।
पेला स़ऊंजी सु बीनणी डरती थी
हमे डरे स़ऊजी आप जमाना बदळ गिया।
पेला पापाजी सु छोरा डरता था
हमे डरे पापाजी आप जमाना बदळ गिया।
पेला नणंदल सु भोजायां डरती थी
हमे डरे नणद बाई आप जमाना बदळ गिया।
पेला जोधाणे री पगरखी (मोजड़ी) पैरता था
हमे पैरे रे बम्‍बई आळा बूट जमाना बदळ गिया।
पेला जेपर आळी चूदड़ी ओडती थी
हमे पैरे रे दिल्‍ली आळी जिन्‍स जमाना बदळ गिया।