वीर भोम रे टाबरा ने, मायड़़ करे पुकार
तड़के रा बारत बेटा! थे हो सिरजणहार।
म्हारो बड़को राणाजी हो कदे न पीठ दिखाई,
बां रो अमरियो हरिये घास री हस-हस रोटी खाई।
बोल बां री जे-जे कार बोलो बां री जे-जे कार
वीर भोम रे टाबरा ने मायड़़ करे पुकार।
वीर भोम री इज्जत खातर ब़लगी राजपूत ललनावां,
छाती चोड़़ी करके बांरां अमर गीत म्हे गांवां।
बै थी वीर प्रसूता नार बोलो बां री जे-जे कार
वीर भोम रे टाबरा ने मायड़ करे पुकार।
भामासा हो मिनक लाखीणो धनड़़ो राणा ने सम्हलायो,
जलम भोम री सेवा करके पायो नांव सवायो।
सगला चालो बां रे लार बोलो बां री जे-जे कार
वीर भोम रे टाबरां ने मायड़ करे पुकार।