माँ इस्कुल आळी मेडम घणी सतावे।
नवी-नवी पोथी मंगावे
कापी, पैन्सल, रंग रो डब्बो
फुट्टो अर रबड़ मंगावे
भारी थेलो मौरां ऊपर रोजीना टंगावै।
छोटी सी गळती पे ऊठ-बैठ कडवावे
घणो रे घणो पसीनो म्हने आवे
माँ इस्कुल आळी मेडम घणी सतावे।
घणो घर रो काम देवे
कदे न पूरो कर पाऊं
स़ियाळे में ठरतो दुख पातो
कदे कदे म्हे मोड़ो जाऊँ।
मेड़मड़़ी री मैं आके मुरगो म्हने बणावे
सिर में ठोला मार-मार के म्हने फूल बतावे
माँ इस्कुल आळी मेडम घणी सतावे।
गणित में कमजोर चालू पल्ले नहीं पड़े,
जे सवाल गळती होवे तो मेडम घणी लड़े।
म्हे कलास में बात करूं तो मुण्डे पर थाप जड़े।
लाल पीली होके मेडम म्हने गधो बतावे
माँ इस्कुल आळी मेडम घणो सतावे।