एकर एक कुकड़ो अन पाडो दोई धर्मभाई हाँ। रस्ते-रस्ते जावता जणो कुकड़े ने पाडो रोजिना हिंडा खाड़तो हो। एक दिन पाडे केयो के म्हे रोजिना थने हिंडा खाड़ू, आज थू मने हिंडा खाड़। कुकड़े केयो के म्हे तो भाई छोटो हू। थु म्हारे माथे किकर हिंडा खाई। पाडे केयो, के थु म्हारे नीचे नीचे ब़ै बोकर, म्हे मोन लेऊ के म्हे थारे माथे हिंडा खाऊ हूँ। जणो ब़ेवता-ब़ेवता चाढ आई के कुकड़ो लारे रेगियो। के पाडो पोटो करियो अन कुकड़ो पोटे रे हेटे दब गियो। जितेक ने गांव रा दो मिनक रस्ते-रस्ते जावता हाँ। के कुकड़े केयो, “आगा आगा घणा जाओ कुकड़लो को भावे नी” के बै मिनक कुकड़े ने पोटे मूं काडन आपरे घरे ले गिया। जद कुकड़ो बोलियो के, थोने लुळयोड़ो भावे है धोयोड़ो को भावे है नी काई। जणो बे कुकड़े ने धो अर आच्छो करियो। जेडे कुकड़ो भळे बोलियो के थोने लीलो लीलो भावे स़ूकोड़ो को भावे नी। जणो बे कुकड़े ने स़ूकोयो। के कुकड़ो ऊड गियो। उडतो कुकड़ो बोलियो के हमे खारा खारा जोवो पैला दिवती कोनी।