एकर एक जंगळ रे माई एक सेर हो जको जंगळ रा जिनोवरो ने खावतो घणो हो। जणो जंगळ रा स़गळा जिनोवर भेळा हुन मीटींग करी ही। मीटींग कर अन सेर रे खन्ने गिया। जा’न सेर ने केयो के थे जंगळ रा राजा हो अर थे स़ैंग जिनोवरो ने इयो खावोला तो थोड़ाक दिनो रे माई जंगळ पूरो खाली हो जावेला, पछे थे किने खावोला। थे भूखऊं मर जावोला। अगर थोने कोई एतराज नी होवे, जणो तो म्हे रोजिना रो एक जिनोवर आपरे खन्ने आ जावोला। थे उण ने खा लेजो। थोने मेनत भी नी करणी पड़े अर भोजन भी मिळ जावे। सेर इण बात माथे राजी हुगो। रोजिना रो एक जोनवर सेर रे खन्ने मरण वास्ते जावतो हो। इयो खासी टेम हालतो रियो। तोई जिनोवर खासा खतम हुगा। जणे एक दिन पाछा सब जोनवर भेळा हुन पाछी मीटींग करी। एक दूजेऊं सलाह करी के भाई इयो हमे मरिजे कोउ। जणो संगळा मिळ परान सेर ने मारण री योजना बणाई। इण वास्ते एक खरगोस ने सेर रे खन्ने मेलियो। खरगोस ने सेर रे खन्ने जावतो टेम लागगी। सेर ने भूख लागोड़ी ही अर री घणी आयोड़ी ही। खरगोस सरे रे खन्ने गियो के सेर पुछियो के मोड़ो घणो करियो कठे रियो हो? खरगोस केयो के जंगळ रे माई एक दुजो सेर आयो हो। बो म्हारे लारे नाटो हो खावण वास्ते जको म्हे तो नीट ऩान आयो हूँ। सेर आ बात स़ुणतोई स़ली री आगी  अर बोलियो के जंगळ रे माई दुजो सेर म्हारे बैठो ई कठे है? म्हने बता म्हें उने मारन पछे थन्ने खाऊला। खरगोस सेर ने एक बेरे माथे लेगो। बेरो पोणीऊ भरियोड़ो हो। सेर पोणी रे माई देखियो अन के सेर री छिया सेर ने दिखी। के सेर बेरे रे माई कूद गियो। कुदियो अन के सेर पोणी रे माई डूबन मरग्यो अर खरगोस बच गियो
सिकसा- बूद्धी ऊ केड़ी मोटी समस्या रो हळ हो सके है।