एक गांव रे माई तीन ठग लुगाइयों ही जको बे आवते जावते मिनकों ने ठगती घणी ही। एक दिन एक बारलो मिनक उठे आ गियो। बो ऊण लुगाइयों ने आगे जावण रो रस्तो पुछियो हो। जणे बे लुगाइयों केयो के रस्तो तो में बता देओ पण थने म्होरी बातों रो एक उतर देणो पड़ी है। जणो बो मिनक केयो के काई उतर देवणो है। लुगाइयों केयो के म्हे पुछो जिकी बात माथे अगर थु के दियो के आ किकर हू सके है जणो थने म्होरे अटे हाळी रेवणो पड़ी है। मिनक मौन गियो। पेली लुगाई केयो के म्हारे दादे रे घर आगे एक इतो डिगो रुख हो जको ठेट आबे लागतो हो। जणो मिनक केयो के हूँ सके है। दुजोड़ी लुगाई केयो के म्हारे दादे रे एक एड़ी बई ही जको अटे ऊबा रेवता अन ठेट जोधपुर रे माई मोटो री खळी दे देवता हाँ। जणो मिनक स़ोचियो के अगर लुगाईयो ने कवो के आ किकर हो सके है जणो तो हाळी रेणो पड़ी है जणो केयो के स़ाची बात है म्हारे ई दादा म्हने केवता हाँ पेली री टेम में मिनकों में गाड हो अर बे इयो कर सकता हाँ। लुगाई केयो के किकर हो सके है समजान जवाब दो। जणे मिनक केयो के पेलोड़ी लुगाई रे घर आगे जको रुख हो उण री टाळियो री बा ब़ई बणायोड़ी ही। तीजोड़ी लुगाई म्हारे दादे रे एक एड़ो पाडो हो जके रा स़िंग इता लोंबा हाँ के एक सिंग रे माई राड़ी घाळ अन दुजे सिंग में घालता जेड़े दिन ब़ध जावतो हो। जणो मिनक के हो सके है। लुगाई पुछियो किकर जणे मिनक केयो ब़ई अर रुख इता मोटा हो सके है तो पाडा तो हापेई मोटा राखता हाँ। चोतोड़ी केयो के म्हारे दादे रे दो नगाड़ा ऐड़ा बणायोड़ा हाँ जको एक माथे ठैको देन दुजोड़े माथे देवतो हाँ जेड़े दिन बध जावतो हो। जणो मिनक केयो के हो सके है जणो लुगाई केयो के किकर हो सके है अर इता मोटा नगाड़ा बणावण वास्ते खाल किनी लाया हाँ। जणो मिनक केयो के दुजोड़ी लुगाई रे दादे रे पाडो हो जके री खाल रा नगाड़ा बणायोड़ा हा। लुगाइयों हार गी जणे बो मिनक केयो के हमे में थोने एक बात पुछू थे अगर के दियो के आ नी हो सके जणो थोने म्हारे ऊ ब्याव करणो प़डी है। जणो लुगाइयो मौन गी जणो मिनख केयो के म्हारो बाप मने चार बार पनायो हो पेली बार पनायो जणौ बा लुगाई ना गी। दुजी बार पनायो जणो बा ई ना गी। तीजी बार पनायो के बाई ना गी अन लास्ट रे माई चोथी बार पनायो जणो बा लुगाई ना गी जणो मने री आ गी इण वाते में उओ चारो ने जोवतो फिरू हूँ अन आज जोवतो जोवतो अठे आयो जणो लादी है। ए अठे ऊबी मरे है चारो ने ई मिनख पकड़ अन केयो के हाळो घरे अठे काई करो। लुगाइयो के आ कीकर हो सके है में तो थारी लुगाइयो हो कोनी। इयो केयो अन के मिनख केयो के थे हार गी। हालो माऊ ब्याव करो मिनक चारो लुगाइयो ऊ ब्याव कर अन आपरे घरे ले गियो।

सिकसा- सेर ने सवा सेर मिळ जावे है।