एक फळ-फरूट रे थेले माथे एक डोकरी फळ बेचती ही। डोकरी खनू एक  मिनक रोजिना फळ ले जावतो हो। फळ लेवती टेम रोजिना बो मिनक डोकरी ने केवतो हो के फळ मीठा नी है। डोकरी बो फळ खान देखती तो बो फळ मीठो निकळ्तो। इयो करतो-करतो खासो टेम हुगो। एक दिन डोकरी रे पाकती थेलाळो मिनक डोकरी ने केयो के ओ रोजिना थारे खनू फळ ले जावे है। रोजिना थऊं बेस-बाजी करे है, के फळ फिका है। जणे बा डोकरी केयो के थने ठा है के ओ रोजिना ईयो कियो करे है? क्योकी जे ओ म्हने सीधो ई फळ खावने देवे तो म्हे बो फळ नी खा सकु हू। इण वास्ते ओ म्हने फळ खड़ावने वास्ते फळ चखावे है। बो चाख्योड़ो फळ म्हे फेक नी सकू अर उने पाछो नी दे सकु अर म्हने बो फळ खावणो पड़े है। बो म्हने फळ खड़ावने वास्ते रोज बेस-बाजी करे है।

सिक्सा- बुढे बुजुर्गो री सेवा मिनक हजार तरिके ऊं कर सके है।