जाग जाग म्हारा गणपति देवा, लोम्बी स़ूंड रखवाळा जी हे... कंकू केसर रा तिलक चडावा, स़िवरे सक्ति वाळा जी म्हारा गणपति देव रखवाळा जी। डावी भुजा पे स़ुंड सोभित है, गळे फूल माळा जी, रिद्धी-सिद्धि नारी थोरे संग बिराजे आसा पुरण वाळा जी हे...म्हारा गणपति देव नखराळा जी। बरमा स़िवरे विस्णु स़िवरे, स़िवरे संकर देवा जी, देव पढंता बरमा स़िवरे, सरस्टी उबावण वाळा जी देव बड़ा मतवाळा जी। चन्दो स़िवरे स़ुरज स़िवरे स़िवरे नवलख तारा जी इन्द्रका भोम इन्द्रराजा स़िवरे जळ बरसावण वाळा जी देव बड़ा गजानन्द मतवाळा जी। राजा स़िवरे परजा स़िवरे स़िवरे जोगी तपधारी जी, ऊठ परभात ब़ोपारी थोने स़िवऱे हे, रोजी पुरावण वाळा गणपति देव मतवाळा जी। नाथ गुलाब जी पुरा मिळिया, किनी चरणो री सेवा जी भवानी गुरु सतगुरुजी रे सरणे हिरदे राखो गणपति देव बड़ा मतवाळा जी।