आप सतगरु आया हो
थारी गैरी करुं मनवार, सतगरु आज आया हो।
आप सतगरु आया हो
परेम धन हिड़दे दिनो आप, सुद-बुद्धी रो सार लकायो हो।
सतगरु जी आप आया मैं हिड़दे अणंद पायो
आप सतगरु जी आया हो।
चेलो जाण गरुदेव आप मने अपणायो हो
सत सबदो रा मूंगा मोती हिरदे हिरा रळाया हो
आज आप सतगरु म्हारा आया हो।
मैं म्हारा सतगरू साचा पाया, पाया हिरा मोती हो
आप म्हारा सतगरु जी आज आया हो।
भगत दीपाराम गरु चरणा रेवे सतगरु रामप्रकास जी पाया हो।